مساق الكيمياء الحيوية (1)
مادة الكيمياء الحيوية 1 لطيفة لدرجة وخفيفة دم ومعظمهما أخذتوه بالفصل الأول بالبيولوجي. وهي مساق 3 ساعات ويتطلب اجتياز مساق البيولوجي بنجاح لتسجيله.
مواضيع المساق
المساق من اول لاخره وهو رح يحكيلك عن الكربوهيدرات.
ورح تاخدوا المركبات العضوية والغير عضوية وهاي المادة بتكونوا ماخدينها بالبيولوجي بالفصل الاول فإذا تمكنتوا بالبيولوجي رح تتمكنوا بالحيوية بسهولة.
بشكل عام رح يكون أول شابتر عن الديناميكا الحرارية وبعدها رح يتم شرح بنية وخصائص وأهمية المجموعات الرئيسية للمركبات الكيميائية الحيوية (الأحماض الأمينية (amino acids) والبروتينات (proteins) والكربوهيدرات (carbohydrates) والأحماض النووية (nucleic acids) والدهون (fats) والفيتامينات (vitamins)).
ورح يغطي المساق موضوعات مختارة في Enzyme Kinetics.
كيف تدرس المساق؟
بتقدروا تدرسوا المادة من الكتاب لكن دراسة سلايدات الدكتور مع الشرح رح يكون كافي لفهم المادة والسلاديات بتقدروا توخذوها من المكتبة أو من طلاب الدفع السابقة.
في قناة اسمها ( علم يُنتفع به) بتشرح اغلب المواضيع الموجودة كنت اعتمدها الشرح خرافي فيها
بنصحكم فيها وكلام الدكتور مهم كتير + الشباتر
طبيعة الامتحانات
كلام الدكتور + بتيجي أسئلة سنوات بتلاقوهم بالمكتبة وبتيجي اكيد أسئلة من الشابتر بس انتو دائما بعد ما تدرسوا المادة حلو عليها وجيبوا أسئلة من النت ومن المكتبة وفي مصادر كتير مش شرط كلها تيجي بس ع الأقل بكون عندك فكرة عن الأسئلة.
الكاتبة: سماح أبو سرحان