رح احكيلكم عن تلات مساقات وهم: اللغة العربية، ولاب الاناتومي والكيمياء الحيوية ..
بس قبل هيك بدك تكون عارف أنه يعتمد ابداعك بالمساقات بشكل عام على مقدار حبك للمساق وهادي القاعدة استنتجتها بعد ما خلصت السنة الأولى 🤝
كل ما حبيت المادة اكتر رح تبدع فيها اكتر واكتر، وعشان هيك رح ابدأ بالعربي 😍 لغتنا الجميلة 🙆
مساق اللغة العربية
بلاد العرب أوطاني 🇵🇸
هاد المساق رح تاخدوه مع افخم دكتورة على الإطلاق، رح تنهلوا من منبع علمها الغزير مش بس بحدود المساق والكتاب، رح تستفيدوا خبرات وتكتسبوا ابيات شعر رح تحكيلكم قصص ما الها دخل بموضوع المادة بس قصص مثيرة والها غاية
المساق يعتمد على السلايدات ولا الكتاب؟
العربي اله كتاب خاص فيه، ممكن تاخدوه من طلاب الدفع الأكبر وموجود بالمكتبتين { العلمية وحسام}
مواضيع المساق
العربي أفكاره اخدناها بالمدرسة وما في اشي جديد بتاتاً، زي الاعداد والممنوع من الصرف وعلامات الترقيم ورح تاخدوا عن المعاجم وكيف تكتب رساله لحدا ودعوة ولافته وأشياء زي هيك
كيف تدرس المساق؟
كل محاضرة بتحضرها بتجيب دفتر وقلم معك، وسجل كل كلمه بتحكيها بس انا بنصح أنه تسجل المحاضرة بتلفونك ولما ترجع ع بيتك اسمعها وسجل كل اشي حكته وهاد عشان تركز بالمحاضرة وتستمتع فيها.
طبيعة الامتحانات
الامتحانات سهله جدا للي درسوا كلام الدكتورة وقراوا الكتاب، وفي تلاخيص بالمكتبه بحبّذ تقرأوها وبنجاب فيها A بسهولة
بس تقديمها الكتروني بظلم كتير وما حدا بياخد حقه زينا مثلا 🙆
فإن شاء الله بتقدموها وجاهي
شو استفدت منها؟
نصيحه لوجه الله العربي خاصة حبّوه كتيرررررر واحفظوا كل حرف بتحكيه مش عشان الامتحان، عشان توسّع مداركك باللغة والشّعر وعشان ما رح تشوف الحروف العربية بعد هالمساق ابداً
بتذكر كانت تحكي اول كلمتين من حكمة ما وتحكيلنا ابحثوا عنها لحالكم زي مثلا ( الرجال اربعة : رجلّ يدري ويدري أنه يدري وهذا عالم فاسالوه) ..الخ الخ